Avropa Parlamenti Finlandiyaya Rusiya ilə sərhədi bağlamağa icazə verib

Avropa Parlamenti (AP) Finlandiyanın Rusiya ilə sərhədinin açılması ilə bağlı petisiyaya baxmağı dayandırıb.

“Report” xəbər verir ki, bu barədə Finlandiyanın “Yle” televiziya şirkətinə Avropa Parlamentinin Kommunikasiyalar üzrə Baş Direktorluğunun mətbuat katibi Alessio İnkorvaya bildirib.

"Avropa Parlamentinin Müraciətlər Komitəsi bu sorğunu bağlamaq qərarına gəlib", - o bildirib.

Bildirilir ki, Finlandiyanın müharibə və Rusiyadan gələn hibrid təhdidlər kontekstində öz milli təhlükəsizliyini və ya ictimai asayişini qorumaq üçün müəyyən sərhəd keçidlərini bağlamaq hüququ var.